Bayern Munich an chak nuamsa

28th November 2018, 04:11PM

Champions League group E inkhelah German heavyweight club Bayern Munich inlanin, Allianz Arena-ah Benfica an lo mikhuala, Bundesliga champion lai hian an mikhual an dim lo hle a, 5-1 in an lo sawp.

First half-ah Bayern hian si thum faiin hma an hruaia Arjen Robben chuan goal hnih khungin, Robert Lewandowski chuan goal khat a khunga, first half hi 3-0 in a tawp. Second half tantir teah Benfica-in goal an khung ve a, 46mins-ah Gedson Fernandes chuan mikhual goal neih chhun a khung. Second half –ah hian Polish striker Lewandowski chuangoal khat khung belhin, Franck Ribery chuan Bayern goal ngana a khung ve bawk.

Group E inkhel dangah Greek club AEK Athens chuan Dutch club Ajax chu Athens Olympic Stadium-ah lo mikhualin, mikhual Ajax hi si hnih faiin an chak.

Goal awm lova darkar khat chuang an khelh hnuah AEK player Marko Livaja chuan penalty chawiin, Dusan Tadic huan penalty box atangin a khunga, penalty chawitu Livaja hi hnawhchhuah a ni nghe nghe. Southampton player hlui Tadic bawk hian goal luh atanga hun rei a liam hmain goal khat a khung belh leh, 2-0 in Ajax an chak zui ta a ni.

Bayern Munich hian khelh ngaah point 13 hmuin group E hmahruaitu an ni a, pahnihnaah Ajax awmin, Dutch club hian point 11 an hlawhchhuak tawh a, group stage inkhel tawp ber result-a zirin an dinhmun an la inthlakthleng thei. Portuguese club Benfica chu pathumnaah awmin point li an hlawhchhuak tawh a, AEK chu a tawp berah awmin point engzat mah an la hlawhchhuak lova, Benfica leh AEK-te hi round of 16-ah an lut thei tawh lo a ni.

Copyright © inkhel.com 2024. All rights reserved.