Bayern midfielder thar Costa.

01st July 2015, 11:07PM

Shakhtar Donetsk atangin Bayern Munich chuan Brazilian midfielder Douglas Costa an lei fel.

Kum 24 mi Costa manah German club hian £21m an seng a, kum nga daih contract an ziahpui.

A in ziahluh felhnuin Costa chuan, "Vawiin hian ka suangtuahna chu tih puitlin a ni." tiin a sawi.

Costa hian Shakhtar tan league-ah game 149 khelin goal 29 a khung hman a, vawinga a champion pui bawk.

Costa an lakluh vangin Bayern hian an midfielder Bastian Schwensteiger an chhuahtir dawn tih thawm a thang nasa nghal hle a, German midfielder hi Manchester United nen sawizawm reng an ni.

Pep Guardiola enkawl mek team hian midfield-a chhawr turin Franck Ribery, Thiago Alcantara, Xabi Alonso leh Javi Martinez-te an la nei a, kum 30 mi ni tawh Schweinsteiger hi an chhawr tha peih meuh tawh lo tura mi tam tak chuan an ngai.

Copyright © inkhel.com 2024. All rights reserved.