14 Mar 2018 01:21

inkhel

Bayern-in Robben leh Ribery contract pawhsei an tum

German champion Bayern Munich chuan thla thar mai khian an winger pahnih Arjen Robben leh Franck Ribery te chu hun rei zawk an hnena an khelh theih nan an contract neih sa pawhsei sak an tum thu an tarlang.

Bayern winger pahnihte hi kum 34 ve ve an ni a, tun season tawp hian an contract neih lai a tawp ve ve dawn bawk a ni. Bayern chief executive Karl-Heinz Rummenigge chuan thuchhuah siamin season tawp hma ngeia heng winger te pahnih contract pawhsei an tum thu a sawi a ni.

(adsbygoogle = window.adsbygoogle || []).push({});

Heng winger pahnih te hian kar kalta a Hamburger SV an hmachhawn tumin goal an khung ve ve a, upa lam ni ve ve tawh mahse Munich tan hian an la tangkai hle niin a hriat a ni.

"April-ah kan inbe fel ang! Tluang takin thil a kal zel a, hun rei tak kan awm ho tawh a, kan inzawmna a nghet hle a ni. An tan pawh contract pawhsei hi thil harsa ani lem lo ang"

"Season leh atana kan kaldan tur kan inbuatsaih tana, chuta ruahmannaah chuan heng winger te hi an tel ve ve a ni" tiin Rummenigge hian a sawi a ni.