Bayern Munich chuan an winger Serge Gnabry chu contract thar an ziahpui ngei dawn niin a lang a, inremna an neihpui tawh thu The Athletic chuan a tarlang.

Kum 27 mi hi Chelsea-in an ngaihven viau nia sawi a ni a, mahse contract thar a ziah dawn tak avangin Chelsea hi an inhnukdawk zui ve nghal nia sawi a ni.

Gnabry hian season khat dang daih bak Bayern-ah hian contract a nei tawh lova, mahse hun rei daih contract thar a ziak dawn a, kar leh tir lamah Bayern hian an puanzar a rinawm.

Kum 2017 khan Werder Bremen atangin German winger hian Bayern hi a pan a, Bayern atang hian Hoffenheim-a loan-a a khelh chhuah hnuah Bayern player pawimawh tak a ni chho mek.

Bayern tan hian game 171 khel tawhin, goal 63 a khung tawh bawk a, Bundesliga title pali bakah, DFB Pokal pahnih leh Champions League nomawi pakhat a chawi tawh a ni.