Tun hnaiah Italian midfielder Marco Verrati leh Barcelona sawizawm an ni nasa a, Catalan club hian an captain Andre Iniesta thlaktu atan Verrati hi lakluh an tum nia tarlan a ni.

Verrati hi ft 5'4 leka sang nimahse tunlai midfielder țha ber pawl a ni a, ball a pet thiam bakah defender puitu țha tak a ni. Champions League-a Barcelona an sawp(4-0) hnu khan a team-mate Blaise Matuidi chuan Verrati chu Iniesta thlak thei tura khawpa țha a nih thu a sawi nghe nghe.

PSG tana league title pali chawi tawh Verrati chuan, "Chanchinbu pakhatin Barcelona tana khel chak angin min ziak a, Barca tana ka khelh chak thu hi ka sawi ngai lo. Club ropui takah ka awm a, he hmuna nomawi chawi zel hi ka zel hi ka duh a ni. Club danga nomawi chawi nen chuan tehkhin chiah ka ngai lo," tiin PSG chhuahsan tumna a nei lo tih a sawi.

PSG hian Lique-ah point thum lekin hmahruaitu Monaco an pha lo a, Monaco nen hian an la inhmachhawn dawn bawk. Champions League round of 16-ah Barcelona nen la inkhel dawn mahse goal li an neihsa avangin quarter final an luh ngei rin a ni. Verrati tan nomawi liantham chawina hun țha tak a awm a ni.