2013 khan Barcelona chuan Brazil club Santos atangin Neymar an lei a, Neymar man dik tak kha Barcelona chuan an thup niin thubuai ziak luttute chuan an sawi.

A puhtu ten an tarlan danin 2013-a Barcelona-in Neymar an lei khan €57m ($65m; £41m) an thehchhuak nia tarlan chu thu dik lo a ni tiin, hei aia tam hi Barcelona hian sum an thehchhuak a, mahse chhiah awl ruk an duh vangin a man dik tak an thup ta niin an sawi.

Spanish court chuan hemi chungchang hi chhui chiang turin a ti a, Barcelona president leh kalchhuak tawh Sandro Rosell, Neymar-a pa leh a club hlui Santos leh Brazilian investment company te chu chhui chian an ni dawn ta a.

Barcelona hian Neymar manah €83.3m lai an pe nia hriat a nih laia tax tam tak awl ruk tum vanga €57.1m chauh nia an puanzar dan hi sawrkar thuneitute chuan an haw hle a, a rang thei ang bera hemi chungchang hi chhui chian a ni dawn ta a ni.

Neymar-a'n Barcelona a zawm hmaa amah dawrtu European Club Manchester City, Chelsea, Real Madrid leh Bayern Munich te pawh Santos club nena an indawrna te hriat vek an tum nghe nghe.