13 Aug 2019 03:37

bakteaJr.

Mizo tlangval

Barcelona in Neymar an dawr leh dawn e

Barcelona chuan an player hlui Neymar chu Paris Saint-Germain atangin lakluh an la tum zela, inbiakna an kalpui leh dawn tih Sky Sports chuan a tarlang.

Barcelona hotute chu tunah hian Paris-ah zinin PSG hotute nen Neymar-a chungchangah an indawr leh dawn tih tarlan a ni a, thu chiang hriat tur a awm thuai a rinawm.

Kum 27 mi Neymar hian PSG chhuahsan a duh a, Barca pawh hian Neymar hi lakluh duh mahse Barce hian PSG lungawina tawkin an la dawr lova, Neymar hi chhuak ngei tura ngaih ni mahse a pan lam tur hi a la hriat hleih theih loh.

Neymar hi Barca hmelma lian ber Real Madrid nen pawh sawizawm an ni a, mahse tunah hian Barca in an dawr thar leh takah chuan Real lam hian thawm an nei zawi leh ta deuha, mahse a pan lam tur hi sawi chian theih a la ni lo hle a, club thar erawh a neih ngei a rinawm.

Neymar hi khawvela footballer manto ber a ni meka, PSG chuan kum 2017 khan pound maktaduai 200-in Barcelona atang hian an lei. Neymar hian chhuah a duh avangin PSG pawh hian an lungawina tawka dawrtu an awm chuan Neymar hi chelh an tum lova, a manah hian an leina zat pound maktaduai 200 bawk an chhiar niin chanchinbu mite chuan an tarlang.

Neymar hian kum li Barcelona-a hun a hman hnuah PSG hi a zawma, PSG tan hian game 56 khel tawhin goal 51 lai a khung tawha, season hnih a awm chhungin Ligue 1 title a la chawi ve ve a ni.