Lewandowski a lo upat chhoh zel takah chuan, Barcelona chuan an hmatawng thawm that nan Liverpool striker Darwin Nunez lak an tum dawn niin Mirror chuan a tarlang.

Liverpool pawh an insingsa chho dawn niin a lang a, Klopp a chhuah dawn takah chuan Arne Slot chu Liverpool boss thar a ni dawn. Richard Hughes chu sporting director thar a ni dawn bawk a, transfer lama mi thiam Michael Edwards pawh Anfield-ah a awm tawh dawn bawk.

Liverpool hotute lamah thil inthlak a awm teuh dawn a, hei vang hian player lamah pawh thil danglam a awm chho teuh dawn nia ngaih a ni.

Mohamed Salah, Virgil van Dijk leh Alexander-Arnold te chungchang pawh an ngaihven dawn a, anni hian an contract an hmang zo chho mek a ni.

Liverpool hian striker thar dap an tum dawn nia report a ni a, heng te a nih avang hian Darwin Nunez pawh thehchhuah an pawi tidawn lo nia report a ni bawk.

Lewandowski hi goal khung thei viau mah se kum 35 a lo ni ve tawh a, level sang takah a tha a lo zuai ve chho tawh dawn bawk a, hei vang hian Barcelona chuan Darwin Nunez chu Lewandowski thlakna atan lak an tum dawn niin Mirror chuan a tarlang.