Jordi Alba chuan tun hma a phak tawh loh avangin, Barcelona chhuahsan zai a rel tak thu a sawi chhuak.

Jordi Alba hian regular takin Barcelona tan a khel tawh lo. Coach ten a theihna an hriatchian vang niin a lang a, a theihna hi nasa takin a tlahniam tih a chiang a, starting XI pawh a chang tlem tual tual.

Thla hmasa khan Barcelona atanga a chhuah tur thu tih chian a ni a, Barcelona-a cham chhunzawm erawh Alba chuan a la duh reng tho. Contract kal lai la nei tho mah se a hlu tawk loa a inhriat avangin chhuah mai chu tha berah a ngai.

"La cham ka duh ka tih apiang hian, cham tur anga inngaihna ka neih thin vang a ni. Mahni hmasial tak ni ila chu ka cham lui ang. 

"Kum 1 chhung contract ka la nei a, ka khelh hi chuan nuam ka ti thei lutuk. Mahse ka dinhmun leh thil thlen dan zawng zawng ngaihtuahin chhuah a hun niin ka hria.

"Ka ti tha ka inti a, chhuahsan chu ka duh lo. Mahse ka chhuak tur hi hreawm ka ti hran lo. Kum harsa tak ka hmang a, mahse khelh tam loh hi ngaiah ka nei tawh. Ka theih ang tawk chuan team puih ka tum ve thin," tiin Alba chuan a sawi.