La Liga inkhelah Barcelona chuan Alaves an tlawh a, Barcelona hi khual mualah si hnih faia chakin an champion teuh tawh hle.

Barcelona tan hian Carles Alena leh Luis Suarez te chuan goal an khunga, Suarez-a goal hi penalty spot atanga thun a ni.

Khelh 34-ah Barcelona hian point 80 an hlawhchhuak tawh a, hmahruaitu niin, pahnihnaa awm Atletico Madrid nen an inkarah point 12 a awm mek. Khelh li chiah a awm tawh a, nilai zan(zanin) hian Atletico chuan Valencia an lo mikhual dawn, Valencia hi an chak a nih chuan Barcelona hi an champion tawh dawn a ni.

Alaves 0-2 Barcelona

(Alena 54’, Suarez 60’ pen)

PLAYER RATINGS

Alaves - Pacheco 6, Duarte 5, Ely 6, Laguardia 6, Navarro 5, Vigaray 5, Pina 5, Wakaso 5, Jony 6, Baston 5, Rolan 5. Subs - Brasanac 5, Twumasi 5, Guidetti 4.

Barcelona - Ter Stegen 5, Semedo 6, Pique 7, Umtiti 6, Roberto 6, Busquets 5, Vidal 7, Alena 8, Dembele 6, Coutinho 8, Suarez 7. Subs - Alba 6, Messi 7, Arthur 4.

Match Report

Alaves lam hian 5-4-1 formation an hmanga, hmatawngah Borja Baston maltlat tir a ni. Barcelona hian 4-3-3 formation an hmanga, Marc-Ander ter Stegen chuan si ban nghakin, defence-ah Nelson Semedo, Gerard Pique, Samuel Umtiti leh Sergi Roberto-te dah an ni. Midfield-ah Alena, Sergio Busquets leh Arturo Vidal-te awmin, tlar hmaah Ousmane Dembele, Luis Suarez leh Philippe Coutinho-te intlarin captain Lionel Messi chu bench lamah thut tir a ni a, second half-ah a lut.

First half tan a ni a, Barcelona-in inkhel thunun-in chance insiam ve bawk thin mahse an hlauhawm tawk lo. inkhel tan atanga minute nga chuang hret khelh a nihin Suarez leh Coutinho-te chuan chance nei ve ve mahse goal-ah an chantir thei lo. First half-ah hian Barca lamin chance an insiam thei angrenga, mahse clear chance erawh a vang. Half time hma deuh lawkin Alaves chuan chance an nei ve a, 40mins chho ah freekick hmu in Jony chuan Barca box chhunga ball a vawrh lut, Ely chu lo zuangin ball lo tauh mahse goal a zawn lova a sang hret.

Second half khelh a ni a, minute sawm vel khelh a nihin Barcelona in hma an hruai; Alena chuan Alaves box chhungah ball changin, bottom- corner-ah a pet kual lut nalh hle a, Barcelona in 1-0 in hma an hruai. Minute nga hnu velah Barcelona hian goal an khung belha, goal khungtu hi Suarez a ni; Barcelona hian goal an khung zeta, Pique chu khungtu ni mahse Pique-a’n a khung hma chiah hian Alaves player Pina a hand-ball tih VAR atangin hmuh a ni a, referee chuan Pique-a goal sutin Barcelona hi penalty a pe leh hnuhnawh, Suarez chuan penalty spot atang hian a khunga Barca hian 2-0 in hma an hruai zui.

An goal hnihna an khung hnu lawkah Barcelona chuan Dembele la chhuakin Messi an dah lut a, a rawn luh atanga minute sawm pawh a ral hma in Messi chuan chance a nei nghala mahse Alaves keeper Pacheco chuan a lo dan sak. Alaves lam pawhin chance an insiam ve zeuh zeuh a, mahse an tan Barcelona an tha mah mah a ni ber. Team hnihte atangin inkhel tawp thlengin half chance tal hmuh tur a awm renga, hun tawp hma deuh lawkin Coutinho pawhin hun tha nei ve leh mahse goal khung thei an awm tawh lova, si hnih faiin Barcelona hi an chak ta a ni.