Xavi chuan a vanglai hun tam zawk a hmanna Barcelona tana a league game hnuhnung ber a khel zo ta a, a teammate te 2-2 in Deportivo a inhnehtawk pui a ni. Deportivo tan Barca draw hi thil lawmawm tak a ni a, division hniam zawka an tlak theihna lak ata an him ta a ni.

He inkhelah hian Messi chuan goal hnih dang khung lehin tun season ah league goal 43 zet a khung tling ta. Lucas atanga Deportivo in goal an neih hnuah Salomao chuan Deportivo goal hnihna leh an himna goal ni bawk chu a khung ve leh bawk.

Barcelona 2-2 Deportivo
(Messi 5' 59') (Lucas 67' Salomao 76')
Line up
Barca - Masip, Adriano, Bartra (Mascherano - 70' ), Vermaelen (Pereira dos Santos - 63' , Mathieu, Alcántara do Nascimento, Sergi, Xavi (Iniesta - 86' ), Messi, Pedro, Neymar
Deportivo - Agosto Ramírez, Sanabria Ruiz, Lopo, da Silva Junior, Canella (Medunjanin - 39', Borges, Bergantiños García, Salomao, Domínguez Lamas (Riera Magem - 62' ), Cavaleiro, Pérez Martínez (José Rodríguez - 86' )

Inkhelh tan hmain Barca fans te chuan an legend Xavi zahna lanitrna banner te an rawn keng chhuaka, Xavi chu mi mit fukna ber a ni nghal. Fans thawm tha tak karah Barca chuan bul tha taka tan nghalin Messi chuan goal hmahruai Rafinha siam sak atangin 5' a liam awrh tihah a khung.

13' ah Deportivo an chesual chhunzawm leh teuh hle a, Messi-a 25-yard shot chu Fabricio chuan lo dan sak theiin Pedro shot pawh a dang chhunzawma, goal an chhuah belh lo hlauh.

Barca in inkhel an thunun chho zela, clear chance erawh hmuh tur a awm mang lo thung. 42' ah Nou Camp a Xavi-a goal hnuhnung ber ni mai awm tura lang chu dan per sak a ni leh hlauh bawk.

Second half ah pawh Barca chuan inkhel an thunun chhunzawm zela, bul an tan that chhawr chhunzawm lehnghalin 59' ah an goal hnihna Messi atang bawkin an nei leha, tha zeta Neymar a'n ball a lakluh hnuah "selfish" lo takin Messi tan a siamsaka, awlsam em em in Messi chuan a lo khung a ni.

Minute riat a ral leh tihah Deportivo beiseina nung pe turin Lucas chuan box pawn atangin a strike goal ve leh hlauh maia, minute sawm a liam leh chauh ang tihah freekick atanga Barca player ten ball an clear lawk theih loh chu Salomao chuan chhawrin a half-volley chu Barca goal dinglam kil sirah a luta, Deportivo tan damna goal a ni ta a ni.

Hun tawp dawn hnaihah Barca in chakna goal neih ngei tumin an nawr chhunzawma, goal dang luh belh ta lo chuan inkhel chu 2-2 in a tawp a, Deportivo him zanah Barca legend Xavi chu thlah liam a ni ta a ni.