​Barca-in champion rim an nam tan

21st April 2019, 04:04PM

La Liga inkhelah champion lai leh hmahruaitu ni bawk Barcelona chuan Camp Nou-ah Real Sociedad an lo mikhuala, Barcelona hi 2-1 in an chak.

Barcelona tan hian defender pahnih Clement Lenglet leh Jordi Alba-te chuan goal an khunga, mikhual lam Real Sociedad tan Juanmi chuan goal a khung ve bawk.

Barcelona hian khelh 33-ah point 77 an hlawhchhuak tawha, pahnihnaa awm anmahni hnaih ber tu Atletico Madrid chuan point kua in an pha lo mek. Sociedad hian khelh 33-ah point 41 hlawhchhuak tawhin 10-naah an awm mek thung a ni.

Barcelona 2-1 Real Sociedad

(Lenglet 45’, Alba 64’) (Juanmi 62’)

Player Ratings-

Barcelona: Ter Stegen 7; Lenglet 7, Pique 6, Alba 7, Semedo 6; Arthur 7, Vidal 8, Rakitic 6; Messi 7, Suarez 6, Dembele 7 SUBS: Coutinho 6, Sergi Roberto 6, Busquets 6

Real Sociedad: Gero Rulli 7; Munoz 6, Aritz Elustondo 6, Llorente 6, Zaldua 6; Zubeldia 6, Juanmi 7, Merino 7, Oyarzabal 6, Pardo 7; Willian Jose 5 SUBS: Sangalli 6, Barrenetxea 6, Ramirez 6

Match Report

Barcelona hian 4-3-3 formation an hmanga, hmatawngah Ousmane Dembele, Luis Suarez leh Lionel Messi-te dah an ni. Midfield-ah Arturo Vidal, Ivan Rakitic leh Arthur-te awmin, defence-ah Nelson Semedo, Gerard Pique, Lenglet leh Alba-te dah an ni bawka, Marc-Ander ter Stegen chuan si ban a nghak.

Real Sociedad lam pawh hian 4-3-3 formation an hmanga, Rulli chuan si ban nghakin, defence-ah Munoz, Llorente, Elustondo leh Zaldua-te an intlar. Midfield-ah Pardo, Zubeldia leh Merino-te awmin, hmatawngah Oyarzabal, Willian Jose leh Juanmi-te an awm bawk.

Inkhel a hmuhnawm thawkhat a, chance erawh team hnihte atangin a awm lawk thei lo. Darkar chanve chuang khelh a nih hnuah Pardo chuan tha takin Barca defence hnugah ball a vawrh phei a, Juanmi chuan a awmin ball a lo la a, a pet zui nghal bawk, Stegen chuan lo save-in Willian Jose chuan Stegen-a save sawhkhawk hi yard ruk vel chauh a hla atangin pet zui leh nghal mahse goal-ah a chan tir thei lova, Sociedad lam tan chance tha tak a ni chiang hle.

Half time hma deuh lawin Barca-in chance na nei,Messi chuan dinglamah ball khalhin Rakitic a pe, Rakitic hian Suarez pe ve lehin Suarez hian hniam teah Sociedad goal lamah a shoot-a, mahse Rulli chuan a lo save. Goal awm lovin first half a tawp dawn emaw tih hnuah Barcelona chuan 45mins-ah goal an khung, veilam corner atangin Barca-in Sociedad box chhungah ball an vawrh lut, yard ruk vela hla tangin Lenglet chuan a lo tauh luta, Barcelona hian 1-0 in hma an hruaia, first half tihtawp a ni.

Second half khelh tan a ni a, darkar khat chuang hret khelh a nihin Sociedad lamin an si phurh an sut; Sociedad hian corner an hmu, ball vawrh luh aiin short corner an la, Merino hnenah pek let a ni a, Merino hian Juanmi inpawt hmuin a pe ve leha, Juanmi hian goal-ah a lo chantir zui ta a ni.

Sociedad-in goal an khung atanga minute hnih hnuah Barcelona-in hma an hruai leh nghala, Alba chuan Sociedad defender pahnih paltlang ball a khalh, Dembele lo inpawt ve chuan Sociedad player-te a ti buai a, Alba hian Dembele pe lovin goal-ah a pet, bottom corner-ah a luta, Barcelona in 2-1 in hma an hruai.

80mins-ah Suarez chuan chak taka ball khalhin Rakitic a pe, angle tight angreng tak atangin Rakitic hian a shoot a, mahse a hlauhawm lutuk lova, Sociedad-in goal-kick an hmu. Goal khung thei an awm tawh lova, inkhel hi 2-1 a tawpin Barcelona an chak a, Barca hian champion nawn lam an hnaih zela, khelh nga chiah hmabak tawhin champion rim an nam tan tawh hle a ni.

Copyright © inkhel.com 2024. All rights reserved.