Barcelona chuan Brazilian rawlthar kum 19 mi Gustavo Maia chu Sao Paulo atangin an lalut a, Maia hi Barcelona academy team Barcelona B tan a khel ang.
Release clause bei uar ve thei tak Barcelona hian Maia-a contract-ah hian release clause tam tham tak an zep tel leha, Maia hi kum 2025 June thla thleng contract daih ziahpuiin, a release clause hi euro maktaduai 300 (pound maktaduai 270) lawih a ni.
Barca hian Sao Paulo rawlthar lakluh nan hian euro maktaduai 4.5 an senga, beisei anga a tha chho a nih chuan Barca hian an tifuh hle dawn.
Barcelona chuan an club website-ah Maia an lakluh thu hi an puanga, “Barcelona chuan Gustavo Maia lalut turin Sao Paulo chu inremna kan neihpui ta a, Maia hian Barca B a zawm ang.
“Brazilian rawlthar hian kum 2025, June thla ni 30 thleng daih contract a ziaka, a buyout clause hi euro maktaduai 300 a ni a, a mah lakluh nan hian euro maktaduai 4.5 sen a ni.
“Kum 19 mi Gustavo Maia hian kum 14 mi lek a nihin Sau Paulo a zawma, trial a neih hnuah an academy-a lakluh niin, chumi hnu atang chuan a club tan goal te khungin, level hrang hrangah trophy pasarih a chawi tawh.
“Kum 2018 kha goal hmaa a chet that ber tum niin, game 36-ah goal 30 a khung. Brazil tan U16 leh U17-ah te khelin, forward tlan chak leh che rang tak a ni a, ke dinglam hmang thiam ni mahse veilamah a khel deuh ber.
“Sao Paulo-in an senior team lama an koh hnuah pawh an second team tan a khel zui zela, dribbler tha tak, shooting tha tak niin, Copa Junior Tournament-ah pawh a langsar hle a ni,” an ti.