Transfer khap an ni chungin Barcelona chuan Sevilla defender Aleix Vidal an lei a, £16m an seng niin tarlan ni.

Champions League nomawi chawitu Barcelona hian kum 18 hnuailamah transfer an kalpui avangin kum 2015 chhung atan transfer khap an ni a, FIFA dan kalhin an che.

Kum 25 mi Vidal hian kum nga daih contract a ziak a, mahse kum 2016 January thla atangin a khel thei chauh ang.

Spanish right-back hian Dani Alves a thlak dawn a, Brazilian defender Alves hunrei tak daih Catalan club-ah hian contract a nei tawh lo.

Vidal hian Barca tualchhung hmelma Espanyol atangin bul alo tan chho va, mahse he club first team tan hian game khat pawh a khelh hmain Sevilla chuan an lalut a thla hmasa khan Europa League-ah an champion.

Barcelona hian Inrinni zan khan Berlin-ah Juventus hnehin Champions League nomawi an chawi a, transfer dan an bawhchhiat vangin transfer hun chhung vawihnihah che thei lo tura hrem an ni.

FIFA danah chuan international player kum 18 hnuailam lakah transfer kalpui khap a ni a, mahse qualifying criteria pathum a paltlang theih chuan lakluh theih tho a ni.