Football mimal chawimawinaa ngaih hlut ber zinga mi Ballon d’Or chu zanin zanlai hian sem a ni leh dawn ta a, football khawvel chuan he hun ropui tak hi ngaichangin khawvela footballer tha ber ber leh footballer hlui lar ber ber te chu Ballon d’Or semna tur hmunah an awm tawh.

Ballon d’Or hi France khawpui ber Paris-ah sem a ni leh dawna, an semna hmun tur hi Theatre du Chatelet niin, India sanaah chuan December ni 3 zing dar 1 atanga sem tan ni dawnin, Star Sports Select 1 leh Star Sports Select 1 HD-ah te live in a en theih dawn.

Ballon d’Or dawng tur hian vawi nga ve ve he chawimawina lo dawng tawh Lionel Messi leh Cristiano Ronaldo-te bakah Liverpool defender Virgil Van Dijk-te chu an buk a rit bera ngaih an ni a, an pathum zinga pakhat hian kumin Ballon d’Or an dawn ngei a rinawma, an pathum hian top 3 tura ngaih an ni bawk.

Van Dijk hi defender ni mahse he chawimawina hlu tak hi a dawn mai a rinawm viaua, season liamta khan Liverpool chu UEFA Champions League-ah champion puiin Van Dijk hian a thawhhlawk hle. Messi hian Barcelona chu La Liga title a lakpui ve thunga, Ronaldo hian Juventus chu Serie A-ah champion puiin Portugal chu UEFA Nations League neih hmasak berah a champion pui bawk.

Hmeichhe lamah USA player Megan Rapinoe chu a buk a rit ber tura ngaih a ni a, ani hian vawi khat mah he lawmman hi a la dawng ngai lo.

He programme hi David Ginola chuan a host dawna, Ballon d’Or hi France Football magazine buaipui niin vote thlak tu te hi khawvel ram hrang hranga chanchinthar lakhawmtu lar tak tak 180 thlanchhuah te an ni.

Ballon d’Or 2019 nominees:

Mipa-

Sadio Mane (SEN/Liverpool), Sergio Aguero (ARG/Manchester City), Frenkie de Jong (NED/Barcelona), Hugo Lloris (FRA/Tottenham), Dusan Tadic (SER/Ajax), Kylian Mbappe (FRA/PSG), Trent Alexander-Arnold (ENG/Liverpool), Donny van de Beek (NED/Ajax), Pierre-Emerick Aubameyang (GAB/Arsenal), Marc-Andre ter Stegen (GER/Barcelona), Cristiano Ronaldo (POR/Juventus), Alisson (BRA/Liverpool), Matthijs de Ligt (NED/Juventus), Karim Benzema (FRA/Real Madrid), Georginio Wijnaldum (NED/Liverpool), Virgil van Dijk (NED/Liverpool),Bernardo Silva (POR/Manchester City), Son Heung-min (KOR/Tottenham), Robert Lewandowski (POL/Bayern Munich), Roberto Firmino (BRA/Liverpool), Lionel Messi (ARG/Barcelona), Riyad Mahrez (ALG/Manchester City), Kevin De Bruyne (BEL/Manchester City), Kalidou Koulibaly (SEN/Napoli), Antoine Griezmann (FRA/Barcelona), Mohamed Salah (EGY/Liverpool), Eden Hazard (BEL/Real Madrid), Marquinhos (BRA/Paris-SG), Raheem Sterling (ENG/Manchester City), Joao Félix(POR/Atletico Madrid)

Hmeichhia-

Sam Kerr (AUS/Chelsea), Ellen White (ENG/Manchester City), Nilla Fischer (SWE/Linkopings), Amandine Henry (FRA/Lyon), Lucy Bronze(ENG/Lyon), Alex Morgan (USA/Orlando Pride), Vivianne Miedema (NED/Arsenal), Dzsenifer Marozsan (GER/Lyon), Pernille Harder (DEN/Wolfsburg), Sarah Bouhaddi (FRA/Lyon), Megan Rapinoe (USA/Reign FC), Lieke Martens (NED/Barcelona), Sari van Veenendal (NED/Atletico Madrid), Wendie Renard (FRA/Lyon), Rose Lavelle(USA/Washington Spirit), Marta (BRA/Orlando Pride), Ada Hegerberg (NOR/Lyon), Kosovare Asllani (SWE/CD Tacon), Sofia Jakobsson (SWE/CD Tacon), Tobin Heath (USA/Portland Thorns)