31 Mar 2019 11:31

inkhel

Bahrain GP-ah Lewis Hamilton a vannei

Formula One Bahrain Grand Prix-ah Lewis Hamilton a vannei hle a, Ferrari lam chet fuh loh zarah pakhatna a ni.

Ferrari driver thar la naupang tak Charles Leclerc chu a hmasa ber atangin a tlan tan a, Ferrari tana intlansiak a hmachhawn vawi hnihnaah pakhatna ni thei turin dinhmun tha takah a ding a, mahse a tawp lamah a khawl fel loh vangin a tum angin thil a kal ta lo.

Kum 21-a upa Leclerc chuan hma a hruai char char a, mahse lap 9 chauh tlan tur a awm tawh tihin Mercedes driver Lewis Hamilton chuan a lehpel a, a car chu duh anga a tlan chak theih tak meuh loh avangin Mercedes driver pakhat zawk Valtteri Bottas pawhin a lehpel ve leh a, a tawpah Leclerc hi pathumna a ni thei hram a ni.

Ferrari driver pakhat zawk Sebastian Vettel chu Lewis Hamilton nen pahnihnaa tlan an inchuh nasat deuh avangin a chesual a, hei vang hian a tawpah pangana a ni thei chauh a. Max Verstappen chu palina niin, McLaren driver Lando Norris chu paruknaah a thleng a, Formula One khawvela a point hmuh hmasak ber tum a ni.

Alfa Romeo driver Kimi Raikkonen chu pasarihnaah a thleng a, a hnungah hian Red Bull driver Pierre Gasly, Toro Rosso driver Alex Albon leh Racing Point driver Sergio Perez te chu an awm bawk a ni.

Result:

1. Lewis Hamilton (Mercedes) 25 pts
2. Valtteri Bottas (Mercedes) 18 pts
3. Charles Leclerc (Ferrari) 16 pts
4. Max Verstappen (Red Bull) 12 pts
5. Sebastian Vettel (Ferrari) 10 pts
6. Lando Norris (McLaren) 8 pts
7. Kimi Raikkonen (Alfa Romeo) 6 pts
8. Pierre Gasly (Red Bull) 4 pts
9. Alex Albon (Toro Rosso) 2 pts
10. Sergio Perez (Racing Point) 1 pt

Drivers Championship Standing:

1. Valtteri Bottas, Mercedes - 44
2. Lewis Hamilton, Mercedes - 43
3. Max Verstappen, Red Bull - 27
4. Charles Leclerc, Ferrari - 26
5. Sebastian Vettel, Ferrari - 22
6. Kimi Räikkönen, Alfa Romeo - 10
7. Lando Norris, McLaren - 8
8. Kevin Magnussen, Haas - 8
9. Nico Hulkenberg, Renault - 6
10. Pierre Gasly, Red Bull - 4
11. Lance Stroll, Racing Point - 2
12. Alexander Albon, Toro Rosso - 2
13. Daniil Kvyat, Toro Rosso - 1
14. Sergio Perez, Racing Point -1