All India Football Federation (AIFF)  leh Mizoram Football Association (MFA) tangkawpin an buatsaih Baby League seminar chu September ni 21, Zirtawpni khan AR Lammual MFA Office-ah neih a ni a, district hrang hrang atangin mi 16 an tel.

He hunah hian  AIFF Baby League manager Srinivasan Saimani chuan kum 4-13 inkarin football an zirna tur kalphung thar hi a zirtir a, naupangte'n football zirna piah lamah a taka an inkhelh theihna (competitive game) buatsaih a tul thu a sawi.

MFA Development Officer Samson Ramengmawia'n Baby League kalpui dan tura ruahmanna awmte a sawifiah a, he hun hi MFA Jiont Secretary C Vanlalmawia'n a hawng a ni.

Mizoram hi AIFF chuan grassroots football kalpui tanna atan a lo thlang tawh a, naupangin football an zir dan kalphung thar tur baby league hi AIFF hian tun hnaiah a kalpui chho mek a ni.