Austrian GP tlan zawh takah Nico Rosberg chuan pole atanga bul tan a team-mate Lewis Hamilton chu intlansiak tan tirah a lehpel nghal a, a tawp thlengin Rosberg hi a chungnung chho ta a, Austrian GP-ah Rosberg chu pakhatna niin, Championship standing-ah Rosberg hian Hamilton hi a hnaih ta hle a ni.

Mercedes driver Lewis Hamilton chuan 169 neiin drivers standing-ah hma a la hruai chhunzawm zel a, Rosberg chuan Austrian GP-a pakhatna a nih avangin Hamilton chu a hnaih ta hle a, 159 points neiin, point 10 in Rosberg chuan Hamilton a thlau ta a ni.

Sebastian Vettel chuan bul tan chhe lo mahse pit stop-a a ke hnung dinglam an vuah rei deuh avangin Williams driver Felipe Massa chuan a lehpel a, Massa chuan podium a chang a, Vettel erawh palina a ni a, Williams driver Bottas chu pangana niin, Force India Nico Hukenburg chu parukna a rawn ni thei bawk a ni.

He intlansiakah hian lap khat pawh an tlan chhuah hmain McLaren driver Fernando Alonso leh Ferrari driver Kimi Raikkonen te insuin, bangah an insawh a. Alonso-a car chu Raikkonen-a car chungah a awm vu mai, mahse driver pahnihte hi an inhliam lo hlauh a. An chetsual dan an zir chiannaah Raikkonen chuan car a thunun zawh loh vanga kha chetsualna kha thleng a nih thu FIA official te chuan an puang a, mahse action erawh an lek dawn lo thung a ni.

Photo Credit : formula1.com

Austrian GP Results :

1. NICO ROSBERG MERCEDES

2. LEWIS HAMILTON MERCEDES

3. FELIPE MASSA WILLIAMS

4. SEBASTIAN VETTEL FERRARI

5. VALTTERI BOTTAS WILLIAMS

6. NICO HULKENBERG FORCE INDIA

7. PASTOR MALDONADO LOTUS

8. MAX VERSTAPPEN TORO ROSSO

9. SERGIO PEREZ FORCE INDIA

10. DANIEL RICCIARDO RED BULL

11. FELIPE NASR SAUBER

12. DANIIL KVYAT RED BULL

13. MARCUS ERICSSON SAUBER

14. ROBERTO MERHI MARUSSIA

RT ROMAIN GROSJEAN LOTUSDNF

RT CARLOS SAINZ TORO ROSSO

RT JENSON BUTTON MCLAREN

RT WILL STEVENS MARUSSIA

RT KIMI RÄIKKÖNEN FERRARI

RT FERNANDO ALONSO MCLAREN