02 Feb 2020 09:56

bakteaJr.

Mizo tlangval

​Australian Open lalpa Djokovic

Serbian tennis player Novak Djokovic chuan Australian Open final-ah Dominic Thiem chu 6-4, 4-6, 2-6, 6-3, 6-4 in a hneha, Djokovic hi a vawi 8 nan Australian Open-ah a champion.

Djokovic hian Grand Slam title 17 lai a la ta a, Rafael Nadal leh Roger Federer –te chiah a pha lova, Australian Open bikah kum 32 mi Djokovic aia champion hnem hi an awm lo.

Rod Laver Arena inkhelah Djokovic hian kum 26 mi Thiem-a lakah set khatna la mahse Thiem hian set 2-na a la a, Thiem hian awlsam angreng takin set 3 la zui mahse Djokovic hian hliam nei chunga a bei zela, set 4 –na leh set-na a la ta a, a champion ta a ni.

Match turu tak zawng ani lo mahna, nimahsela set 5 khelh anih na hian a ti pui riau. Thiem hian 2nd leh 3rd ah te khel bawn hle mahse, Wimbledon a ropui taka comeback thei, 'mentally the strongest' tia an koh fiam hial, Djokovic a comeback turu hle. A pui hle mai!

Djokovic hian record tha tam zawk hi a kawl mai ang em?

Sawi fo hnu ani na a, ziah fo angai leh thin. Big 3 kan tih Federer, Nadal leh Djokovic- te hian record tha zawng zawng an in sem titih a, big title kan tih hi 14 a awm (Grand Slam -4, Tour final -1, Masters - 9).

Heng zawng zawnga champion hi thil harsa tawp niin a lang, court inang awm mahse ball kal chak zawng Court pace index hi a inang lo vek a, heng avang tak hian thiam kim angai hle. Heng zawng zawng a champion kim hi vanneih vang ani thei lova, thiam kim tan lo chuan a har. Champion kim awmchhun chu Djokovic chiah hi a ni.

BIG TITLES

  • Djokovic - 56
  • Nadal - 54
  • Federer - 54

Heng big titles zinga Federer la champion lohna chu, Monte Carlo niin, Nadal hi Paris leh Tour Final ah te ala champion lo.

Olympics hi chu ATP points atana tangkaina nei anih loh avangin big title ani lo naa, title hlu tak a nih avangin an ngai pawimawh veka, Nadal chiah an zingah hian a la champion thung.

World No 1 nih rei lam

Federer khan Sampras record turu kar 286 chhung #1 anih na lallukhum kha a khum zak mai a. Federer record 310 weeks pawh kha khum theih tawh loh tura ngaih fel ani hman viau. Court zawng zawnga kum tluana tha taka khel a champion kim thei awmchhun Djokovic a lo lang a, a rawn hnaih ta hle. A chesual fe anih loh chuan a la khum dawn niin a lang ta.

  • Federer - 310 weeks.
  • Sampras - 286 weeks.
  • Djokovic - 275 weeks.

6. Nadal - 209 weeks.

Djokovic khi world no 1 a nih leh tak avangin kartin a pung zel dawn. Heng bakah hian Year end no 1 ah Federer, Nadal te nen an vaiin vawi 5 theuh an ni tawh a, Sampras vawi 6 lo ni tawh kha an um mek a ni.