​Australian Open atangin Andy Murray a inhnukdawk

29th December 2019, 06:12PM

British tennis player Andy Murray chu thlaleha khelh tur Australian Open atangin a khel bawra hliam a neih avangin a inhnukdawk.

Kum 32 mi Murray hi thlaleha ATP Cup khelh turah pawh Great Britain ai a awh thei dawn lova, hliamin a tlakbuak reng chu a dam fel hleithei lo niin a lang.

Grand Slam title vawi thum lai la tawh Murray hi Grand Slams singles-ah kum khat vel chiah chiah a inlan tawh lova, kumin kum tira neih Australian Open kha Grand Slam singles-a a inlan hnuhnun ber niin, hemi a khelh zawh hnu lawk hian a hliam a dam fel theih loh avangin tennis khelh a chawlhsan maithei tih thu a lo sawi tawh nghe nghe a nih kha.

Murray chuan Australian Open atanga a inhnuhdawh chungchang sawiin, “Ka hliam a lo chhuah leh deuh avangin inven nan ka inhnukdawka, level sang ber bera khel leh turin theihtawp chhuah mah ila tum angin ka awm thei dawn lova, hrehawm ka tiin pawi ka ti hle a ni,” a ti.

Murray hi thla 11 liamta khan a kawng zai a ni a, hun rei tak inkhel lovin a bikin singles-ah ngat phei chuan August thla khan a inlan leh chauha, tennis khelh a chawlhsan tawh mai dawn emaw tih hnuah a la beidawng lo zela, nakkum lamah Grand Slam singles pawh a khelh leh ngei a rinawm a ni.

Copyright © inkhel.com 2024. All rights reserved.