Marc Marquez chu Inrinnia MotoGP Australian Grand Prix qualifying an tlanah a che tha ber a, pole position a chang.

Repsol Honda rider Marc Marquez hian kar hmasa khan tun season chhunga MotoGP title chu a la fel der tawh a, MotoGP title hi vawi 5 a la tling ta chiah a. Phillip Island-ah hian lap khat tlan zo turin minute 1 leh second 29.199 chiah a hmang a. MotoGP khawvela a luh hnuah Marquez hian pole position vawi 51 a chang tling chiah a, tun season chhungin vawi 6-na a ni bawk.

Yamaha rider pahnih Maverick Vinales leh Johann Zarco te chu Marquez hnungah hian an awm dawn a. Suzuki rider pahnih Andrea Iannone leh Aex Rins te chu an hnungah hian an awm ve bawk ang.

Suzuki pahnih hnungah hian Alma Pramac rider Jack Miller a awm ang a, Yamaha rider Valentino Rossi chu pasarihnaah a awm dawn a, a hnungah hian Alma Pramac rider Danilo Petrucci a awm ang a. Top 10-ah hian Andrea Dovizioso, Ducati leh Hafizh Syahrin, Monster Yamaha Tech 3 te an awm bawk a ni.

Australian GP qualifying result:

1. Marc Marquez (Repsol Honda) 1:29.199secs

2. Maverick Vinales (Movistar Yamaha) 1:29.509s

3. Johann Zarco (Monster Yamaha Tech 3) 1:29.705s

4. Andrea Iannone (Suzuki Ecstar) 1:29.712s

5. Alex Rins (Suzuki Ecstar) 1:30.026s

6. Jack Miller (Alma Pramac) 1:30.140s

7. Valentino Rossi (Movistar Yamaha) 1:30.270s

8. Danilo Petrucci (Alma Pramac) 1:30.328s

9. Andrea Dovizioso (Ducati) 1:30.519s

10. Hafizh Syahrin (Monster Yamaha Tech 3) 1:30.593s