31 May 2015 10:37

Muantea Chinzah

Australia-ah Chen Long a ropui

Australia Open Badminton Men's  Singles Final ah World No 1 Chen Long chuan Kum 21 mi Denmark rawlthar Viktor Axelsen chu Deciding ah hnehin a Champion.

Australia Open hi Kum 1975 khan khelh tawh niin Kum 1989 atang khan regular taka khelh chhoh a ni ta a. 2014 ah phei chuan Badminton inelna Super Series ah hlankai a ni ta nghe nghe a ni.

Men's Single Final hmuhnawm takah hian Chen Long hian awlsam takin First Set la mahse Alexsen hi Second Set ah a rawn Comeback a, 21-14 in set a rawn la ve leh a. Deciding Game ah an inbeitawk hle a, Chen Long in 4 match point lai a neih tawh hnuin Alexsen a rawn tangmar leh a, 18-20 a nih laiin Chen Long chuan a Game na ngei tura langin a hlap a, mahse Line judge in out a phar hlauh mai! Chen Long chuan ringhlelin  a Complain a, official review a lo Correct si avangin 21-18 in Deciding ah hian a chak ta a ni.

Women's Singles ah Spanish Carolina Marin chuan Wang Shixian (China) chu Straight Set 22-20, 21-18 in a hneh hram a, Hmeichhe lamah Champion a ni ve bawk!!

Mixed Doubles ah rinkai lo zawk Hong Kong Pair Lee Chun Hei & Chau Hoi Wah te chuan 21-19, 19-21, 21-15 in Liu Cheng & Bao Yixin (China) te chu an hneh hram a.

Women's Doubles ah China ve ve intumin Ma Jin & Tang Yuanting te chuan 21-19, 16-21, 22-20 in Tang Jinhua & Tian Qing te chu an hneh a ni.

 Men's Doubles ah Korean Serial Film Star Lee Yong Dae leh a Partner Yoo Yean Seong te chu Australia Open, Super Series a nih hnua Champion zawn thei hmasa ber an ni a, Liu Cheng  & Lu Kai (China) te chu 21-16, 21-17 in an hneh a ni.