Fabio Aurelio chuan a club hlui Liverpool-in Roberto Firmino an lalut chu an tifuh a ring a, Brazilian midfielder hi England-ah a in ben bel thuai a ring bawk.
Kum 23 mi Firmino hian kar hmasa khan German club Hoffenheim chhuahsanin Liverpool hi a zawm a, amanah The Reds hian £29m an seng.
Firmino chungchang hi sawiin Liverpool tan kum ruk chhung lo khel tawh Fabio Aurelio chuan, "Europe-a khawsa thang a ni a, Germany-ah kum rei vak lo chu a awm tawh. Hei vang hian engmah a harsa dawn lo va, a chhan chu Liverpool squad-ah hian Brazilian player pahnih (Lucas leiva leh Philipe Coutinho) an awm a an pui thei ang."
"European football hrim hrim pawh a hre tawh a Liverpool-ah hian a in beng bel vatin ka ring. Ka tawnhriat atang pawhin Europe-ah ka lo in sawn kual ve tawh a, Liverpool ka zawm hma khan kum ruk chhung Valencia tan a ka khel a engmah harsatna a awm hran lo."
"Lucas Leiva khan Liverpool a zawm tirhin buaina chu a nei a, Brazil atangin England a pan tawp a intihsiakna a danglamin khelhdan pawh a inang lo hle. Kum hnih chhung chu harsatna a nei a, in bengbel chho ve zelin tuna kan hriat ang hian alo chhuak thei."
"Mahse Firmino tan hi chuan kawng a awlsam ka ring a, Lucas ang lo deuhin keimah ang bawk anih ka ring. A chhan chu European team-ah kum tam vaklo a khel hman a in beng bel turin buaina a neih tam a rinawm loh." tiin a sawi.
Firmino hi Copa America khelin Chile-ah a awm mek a, Pathianni tuk khan quarter-final-ah Paraguay an hneh lo va an ram lamah an kir ang.
Sawi chhunzawmin kum 35 mi Aurelio chuan, "Goal khung a thiam a player fing a ni bawk. Awmna tur a hria a defender inkarah hmunruak a zawn thiam bakah goal sual chhuah thei mi a ni."
"Hei chauh hi ala nilo, thiante pet goal tura siamsak pawh a a thiam. Liverpool hian player tha tak hmasawn pui theih an lalut niin ka hria." tiin a sawi.
Aurelio hian kum 2000 khan Sao Paulo chhuahsanin Valencia a zawm a, kum ruk chhung a khelh hnuin kum 2006 June thla khan Liverpool-in an lalut veleh a Merseyside club a zawm kum hian FA Community Shield-ah an champion.