28 Aug 2019 03:00

bakteaJr.

Mizo tlangval

​ATP-in Wimbledon final umpire an ban

Kumin July thlaa khelh, Wimbledom men’s singles final-a chair umpire Damian Steiner chu ATP chuan an phalna la hmasa lova interview a hmachhawn avangin an ban.

Argentine umpire kum 44 mi Steiner hi July thla khan Wimbledon men’s singles final-ah Novak Djokovic leh Roger Federer-te inkhel a vil a, he inkhel hian darkar nga dawn awhin, a tawpah Djokovic hi 7-6 (7-5), 1-6, 7-6 (7-4), 4-6, 13-12 (7-3) in a chak a nih kha. He inkhel hi Wimbledon chanchina game rei ber a ni nghe nghe.

Kum 44 mi Steiner hian an ram Argentina lamah interview pakhat mai ni lovin, eng emaw zat a hmachhawn a, he a interview-ah hian ATP phal loh chin tam tak a awma, phalna a lak hmasak loh bawk avangin ban a ni ta a ni.

ATP chuan Steiner an ban chungchang hi thuchhuah siamin, “Steiner hian ATP phalna la hmasa lova, interview eng emaw zat a hmachhawn tih hmuh chhuah a ni a, chu mai bakah Steiner-a interview te hian kan phal loh chin ramri nasa takin a pel bawk. Hemi avang hian ATP chuan Steiner hi a nihna atangin a ban a ni,” an ti.