La Liga club pahnih Barcelona leh Atletico Madrid-te chuan Chelsea winger Willian chu an dawr a, an dawrna hi Chelsea chuan an lo hnawl thu Sky Sports chuan a tarlang.

Willian hi Barcelona leh Atletico te hian pound makttadai 35 velin an dawr a, hei hi Chelsea chuan hnawlin, an winger hi chhuah tir an tum lo hle.

Willian hian Stamford Bridge-ah kum khat dang bak contract a nei tawh lova, kar hmasa lam khan Sky Sports chuan Chelsea leh Willian-te hi contract thar chungchangah an inbiak tur thu a lo tarlang tawh.

Chelsea hi an bazar thei lova, an player tha ber Eden Hazard an chan tawh bawk nen, tu mah dang an chhuah tir a rinawm lova, Willian pawh hian West London club chhuahsan hi a chak lem lo niin a lang.

Chelsea hian Willian hi contract thar an ziahpui theih lova, an hralh lo bawk a nih chuan nakkum nipui hunah kum 30 mi hian a thlawnin Chelsea hi a chhuahsan thei dawn a, hemi a thlen loh nan hian Chelsea chuan Willian hi contract thar an ziahpui ngei a rinawm hle a, kum hnih atan an inrem thuai a beiseiawm.

Barcelona hian Willian hi an lo dawr fo tawh a, nikum nipui lai pawh khan ngawrh takin dawr mahse Willian hi Chelsea atangin an thlem chhuak zo lova, tunah pawh eng a danglam vak a rinawm lo a ni.