Spanish club Atletico Madrid chuan season tawpa free transfer-a lak luh turin Wolves winger Adama Traore chu an bia niin 90min chuan a tarlang.

Traore hian Wolves ah hian tun nipui thleng chauh contract a nei tawh a, contract thar a ziah belh duh tawh loh avangin season tawpah hian free transfer in a chhuak thei dawn a ni.

Traore hian Molineux (Wolves stadium) ah hian a hmanpui Julen Lopetegui-a enkawlna hnuaiah hun a hmang mek a, mahse season tawpah hi chuan an inthen a ngaih tawh hmel.

Atletico Madrid hian free transfer-a Traore lak luh tuma an biak bakah hian Leicester City defender Caglar Soyuncu pawh an be tel nghal niin report hian a tarlang tel bawk.

Kum 27 a upa Traore hi Premier League club Leeds United leh Tottenham Hotspur pawhin an duh ve bawk a, mahse tun dinhmunah hi chuan Spain lama let leh hi a thlan tawh mai a rinawm zawk mah.

Traore hian kum 2021/22 season chawhnu lamah khan a chawr chhuahna club Barcelona lamah loan-in thla ruk chhung a va khel leh a, inelna hrang hrangah vawi 17 inlanin goal khat mah a thun lo thung.

Barca nen an inremna a tawp hnu hian Wolves lamah hian a kir leh a, tun season-ah Wolves tan vawi 27 a inlan tawh a, a tam zawk hi bench atanga an dah luh a ni.