22 Nov 2020 09:34

bakteaJr.

Mizo tlangval

​Atletico-in kum 10 chuang hnuah a vawi khat nan Barca an hneh

La Liga inkhelah Atletico Madrid chuan Wanda Metropolitano-ah Barcelona an lo mikhuala, Atletico hian hnehna changin, hei hi kum 10 leh thla kaw hnuah La Liga inkhela Atletico-in Barca an hneh leh vawi khatna a ni.

Goal lut awm chhun hi Belgian player Yannick Carrasco-a’n first half tawp hma lawka a khung a ni a, Atletico manager Diego Simeone chuan Barca hi La Liga-ah vawi 18 hmachhawn tawhin, a vawi khat hnehna channa a ni.

Khelh riatah Atletico hian point 20 hlawhchhuak tawhin, pahnihnaah an awma, pakhatnaa awm Real Sociedad nen an point hmuh zat inangin, Atletico hi khelh khatin an khel tlem zawk. Barca hian khelh riatah point 11 hlawhchhuak tawhin, 10-naah an awm mek thunga, beisei an pha lo rih hle.

Atletico Madrid 1-0 Barcelona

(Carrasco 45+3’)

Player Ratings

Atlético Madrid - Oblak 6, Trippier 6, Savic 7, Gimenez 7, Hermoso 6, Llorente 7, Koke 8, Saúl 7, Carrasco 8, Felix 7, Correa 7. Subs - Kondogbia 6, Costa 6, Felipe 3, Lemar 5.

Barcelona - Ter Stegen 3, Roberto 5, Pique 5, Lenglet 4, Alba 5, Pjanic 5, De Jong 6, Dembele 7, Messi 5, Pedri 4, Griezmann 5. Subs - Dest 6, Trincao 3, Braithwaite 3, Coutinho 5.

Atletico hi a tir atangin a hlauhawm zawk an ni a, khelh pawh khel thain, minute sawm chuang hret khelh a nihin Atletico hian cross bar an pet per nghala, cross bar pet per tu hi Llorente a ni.

First half tawp lam, injury time-ah Atletico hian hma an hruaia, Barca defence hnungah Correa chuan Carrasco ball a pe a, hetah hian Barca goalkeeper Ter Stegen chu a line pawn daihah awmin, goal atanga yard 35 vel laia hlaah Carrasco hian Stegen hi a paltlanga, goal ruakah goal a khung zui.

Darkar khat khelh a nih hma hretin Lionel Messi-a’n a ke dinglama ball tha tak a cross chu yard nga vela hla atangin Lenglet chuan goal-ah lo khung tum mahse, Atletico keeper Jan Oblak chuan a lo save. Darkar khat khelh a nihin Barca defender pawimawh Gerard Pique a inhliama, khel chhunzawm thei lova, Dest-a’n a rawn thlak.

Socreline hi 1-0 chauh ni mahse, mual neitu lam Atletico an chungnung zawka, Barca hian eng an ti hleithei lo a ni ber. Barca hi an talbuai zel niin a langa, an khel a nung lova, si khat fai chauha Atletico an hneh lo hi an vannei a tih theih awm e.

Real Madrid an chak zo lo

La Liga inkhel dangah champion lai Real Madrid pawh an inlana, anni hian Villarreal tlawhin, team hnihte hi 1-1 in an inhnehtawka, point khat ve ve an hlawhchhuak.

Real Madrid hian Mariano-a goal hmangin minute khat hnu velah hma an hruai nghala, goal luh dan hian sawi a hlawh hle. Carvajal an a tira ball a pek hian, offside flag phar a ni a, mahse Villarreal lamin an lo block avangin offside ham a ni lo. Carvajal hian ball chang zui lehin, a cross luta, Mariano hian goal-ah a lo tauh lut ta a ni.

70mins chuang khelh a nihin, Real Madrid goalkeeper Thibaut Courtois chuan an box chhungah Chukwueze a titlu a, referee-in penalty a pe. Moreno chuan penalty atang hian Villarreal si phurh a suta, 1-1 in inkhel a tawp.

Khelh kuaah Real hian point 17 an hlawhchhuak tawha, palinaah awm mekin, Villarreal hian khelh sawmah point 19 hlawhchhuak tawhin, pathumnaah an awm mek thung a ni.

Villarreal 1-1 Real Madrid

(Moreno 76’ pen) (Mariano 2’)

Player Ratings

Villarreal - Asenjo 5, Mario 5, Albiol 6, Torres 7, Pedraza 5, Parejo 6, Iborra 5, Trigueros 5, Gomez 6, Moreno 8, Bacca 6. Subs - Pena 5, Chukwueze 8, Estupinan 8, Kubo 6, Pino 5.

Real Madrid - Courtois 4, Carvajal 7, Nacho 5, Varane 6, Mendy 5, Kroos 5, Modric 7, Odegaard 5, Vazquez 6, Hazard 5, Mariano 8. Subs - Isco 5, Asensio 5, Vinicius 4.