100 per cent chuan kan la sawi chiang thei lo, hetih lai hian a chiang thawkhat niin Atletico de Kolkata mi leh sa pakhat chuan a sawi e.
Atletico Madrid striker Fernando Torres chuan India rama an club zawmpui Atletico de Kolkata inkhel a chhim dawn ? Indian Super League hi October thla hian tan a ni dawn a, October ni 13-a Atletico de Kolkata game hmasa ber Torres hian a chhim dawn niin club hotute chuan an sawi.
Atletico de Kolkata official pakhat chuan,"Kolkata-a Torres-a'n Atletico de Kolkata a rawn tlawh ngei dawn niin a lang, a rawn tlawh theihna chance hi a sang zawk tlat mai. ISL leh kan club tih lar zel nan mi tangkai tak a nih kan ring tlat a, Kolkata mipuite chuan an lawm khawp ang le. Club neitute chuan he kan thil tum a hlawhtin ngei theih nan hian theih tawp an chhuah reng a ni," tiin a sawi.
Ruahman ang chuan Torres hian Kolkata-a Atletico de Kolkata Camp a chhim anga, Kerala Blasters nen ISL match hmasa ber an khelh tumin a chhim bawk dawn a ni. Atletico de Kolkata hotute thil tum hi a hlawhtling a nih chuan khawvel sports chanchinthar a luah ngei dawn niin a lang.
source : Sportskeeda