Manchester City leh Chelsea ten ngaihven hle mahse kar hmasa khan Diego Godin chuan Atletico Madrid-ah cham chhunzawm turin contract thar a ziak leh ta a nih kha.
Uruguay captain hian kum 4 chhung atan Atletico-a khel chhunzawm turin contract thar a ziak leh ta a, hei hian a hril chian em em chu a football hun hnuhnung pawh Atletico tan a hmang dawn tih hi a ni. Tunah kum 29 mi a ni tawh a, a contract a hman zawh meuh chuan a hun hnuhnung lam a hmang tawh dawn, a that lai zawng zawng Atletico tan a hlan dawn ta a ni.
2010 khan Villareal atangin Atletico Madrid hi a zawm a, 2013/14 season-a La Liga champion an nih theih nan Godin hian tha a thawh hlawk hle. Godin chuan Vicente Calderon-a cham chhunzawm a thlang chu amah ngei pawh a lawm thu Nilainia Press conference a neih naah a sawi a,
"Atletico tana contract tha ka ziak leh thei hi ka lawm hle, club chungah lawmthu ka sawi duh a, ka team-mates leh coaching staff te chungah pawh ka lawm hle a ni.
"He thutlukna hi ka thinlung tak takin ka siam a, he club chhungkuate hi ka hmangaih a, min duhsakna avangin ka cham lo thei ta lo a ni. Hemi hmuna cham hi ka duhthusam a ni a, tunah hian ka vanglai ka hmang chho ve mek niin ka inhre bawk a ni," tiin Godin chuan a sawi.
picture credit : Getty