Kenya athlete Joyciline Jepkosgei chuan infiamna chanchina thil thleng khat tak a thlentir a, Prague Half Marathon-ah World Record pali a siam.
Kum 23 mi hian 1:04:52 ah a tlan thleng thei a, kumin kum tira Peres Jepchirchir record siam tawh chu 14 seconds-in a khum.
Thlen hma lama record a siam bakah hian 30:05 chhungin 10km a tlan hman a, 45:37 chhungin 15km a tlan hman leh a, 1:01:25 chhungin 20km a tlan hman bawk a he'ng te pawh hi World Record an ni nghal vek.
An tlan zawh hnuin Jepkosgei chuan, "Ka hun hman tih tlem ka tum a ni mai a, record ka siam ta mai hi mak ka ti hle a World Record ka siam theih hi ka ring lo."
"Mahse a boruak kha a fuh a, a chhan chu kan tlan hun angah khan ka training țhin." tiin a sawi.
Prague Half Marathon-ah hian Kenya an che țha hle a, pahnihna Violah Jepchumba leh pathumna Fancy Chemutai pawh Kenyan tho an ni a Jepchumba hi nikum khan pakhatna a ni.
* Pic: Elias Makori