Nikum November ni 8-a athlete pahnih su hlumtu Michael Casey chung thu chu Court-in a rem fel a, kum ruk chhung tan (jail)-a tang turin hrem a ni.

Sipaia țang lai Casey hian Aldershot-a Stacey Burrows (kum 16) leh Lucy Pygott (kum 17)-te training lai a su a, a sut lai hian Zu a ruih bakah dan phal bakin lirthei a khalh bawk.

Kum 24 mi Casey hian hlauhawm takin lirthei a khalh tih a pawm a, chhiatna a thlen hma hian a mi phurh chu damlohna vangin a luak a hei hian a tibuai tih pawh a sawi.

Winchester Crown Court chuan 30mph-a tlan phalnaah Casey hian 40mph-in lirthei hi a khalh tih an sawi a, a lirthei khalh hi Ford Focus niin mi a sutna hmun hi an Camp ațanga hla vak loah a ni nghe nghe.

Lirtheiin a sut hlum zinga pakhat Lucy hian nikum July thla khan European Youth Championship-ah Broze medal lain 3,000m intlansiakah pathumna a ni a, Stacey thung hi chu Hampshire Under-17 3,000m-a champion lai a ni thung.

Pawi khawihtu Casey hi kum sawm chhung lirthei khalh lo tura hrem a ni tel a, a tan hun chhung hi kum ruk ni mahse licence hmangin kum thum hnuah a chhuah theih a ni ang.