Burnley goalkeeper Tom Heaton chuan Premier League kaithar Aston Villa a pan dawna, Burnley leh Aston Villa-te inkarah inremna a awm tawh tih BBC Sport chuan a tarlang.

Villa hian pound maktaduai 9 in Heaton hi lakluh an remti tawh a, kum 33 mi hi tun nipui chhunga Villa player lakluh 12-na a ni ang.

Heaton hian Burnley-ah kum khat dang bak contract a nei tawh lova, Burnley lamah duh angin hmun a chang thei tawh lo bawk Villa lam a pan dawn a, medical a neih fel thuai a rinawm.

Heaton hi Manchester United academy chhuak a ni a, kum 2010 thleng khan United-ah awm mahse United tan vawi khat mah league-ah a inlan lova, hmun hrang hrangah loan-in a khel kual.

Kum 2010 khan a nghetin Cardiff City a pana, kum 2012 khan Bristol City chuan Heaton hi lalut ve lehin, kum 2013 atang khan Burnley tan a khel.

Heaton hi Burnley first choice keeper ni chho ngar ngar mahse kum 2018 khan hliamin a tlakbuaka, a hmun hloh zui titihin Burnley hian an tiral zui dawn ta a ni.

England youth team hrang hranga tana a khelh hnuah Heaton ho kum 2016 khan England senior team lamah koh a ni tana, mahse khelhna hmun chang hleithei lovin a ram tan vawi thum chiah a la khel a ni.