15 May 2019 10:05

bakteaJr.

Mizo tlangval

​Aston Villa-in play-off final an lut

EFL Championship play-off semi-final second- leg khelh hmasak zawkah West Brom chuan Aston Villa an lo mikhual a, hun pangngaiah team hnihte hi aggregate-ah 2-2 a an inhnehtawk avangin final lut tur hi penalty shoot-out hmanga zawn niin Aston Villa hi shoot-out ah 4-3 in an chak ta a ni.

First –leg ah Villa hi Villa Park-ah 2-1 in an chak a, second-leg ah hian West Brom in 1-0 in hun pangngaiah hma an hruai tluan. Champions League leh Europa League angin away goal rule hman a ni ve lova, hemi a nih avang hian penalty shoot-out hmanga a chak zawk zawn a ni ta a ni.

Second-leg ah hian Craig Dawson chuan hun pangngaia goal lut awmchhun hi a khunga, hei bak hi hun pangngaia goal lut a awm lo. Villa lam hian West Brom an nawr hle a, goal khung ngei tum mahse an hlawhchham.

Villa hian shots hi 24 lai an nei a, West Brom erawhin 10 chiah an nei thung. 80mins-ah West Brom captain Chris Brunt chu hnawhchhuah a ni bawk. First leg-ah pawh West Brom forward Dwight Gayle chu hnawhchhuah a ni tawh a, hemi hi West Brom-in an tuar. Second leg ah pawh Brunt hnawhchhuah ni lehin West Brom chuan player 10 a an khel chu an tuar leh bawk.

Player panga ve ve in penalty shoot-out ah an pet a, mual neitu lam West Brom tan Mason Holgate, Ahmed Hegazi, Tosin Adarabioyo, Kieran Gibbs leh James Morrison-te chuan petin, a pet hmasa pahnih Holgate leh Hegazi ten an pet goal lo.

Villa tan hian Conor Hourihane, Mile Jedinak, Jack Grealish, Albert Adomah leh Tammy Abraham-te chuan petin, Adomah chiah hian hlahin 4-3 in hnehna an changa, Wembley-ah final an khel ang.

Play-off semi-final lehlamah Leeds United chuan Derby County an lo mikhual dawn a, first-leg ah Leeds hi si khat faiin Derby mualah an chak tawh a ni.