Aston Villa chuan an squad thawm that nan Bayer Leverkusen atangin winger Leon Bailey lakluh an tum niin chanchinbu mite chuan an tarlang.

Leverkusen hian tun nipui bazar chhung hian Bailey hi hralh an duha, Premier League club thenkhat hnenah an winger hi an zuar niin tarlan a ni.

Leverkusen hian Norwich atangin winger tha Emi Buendia laluh mahse winger dang lakluh tumin hma an la a, Emile Smith-Rowe dawr mahse an hlawhchham hnuah Bailey-a lam hi an hawi ta a ni.

Kum 23 mi Bailey hian Leverkusen-ah kum hnih daih bak contract a nei tawh lova, contract thar chungchangah Leverkusen nen hian inrem hleithei lovin, Leverkusen hian a man a san laiin hralh mai an duh.

Nikum lam khan Premier League club lian te chuan Jamaican winger an lo dawr tawha, mahse Leverkusen hian a manah pound maktaduai 40 an chhiar avangin Premier League club-te hi an inhnukdawk leh ta zawka, kuminah Bailey-an man hi a tlahniam hret tura ngaih a ni.

Leverkusen hian Bailey hi kum 2017 khan Belgian club Genk atangin an laluta, Bailey hian German club tan hian game 150 chuang khel tawhin, goal 39 a khung tawh bakah assist 26 a nei tawh bawk a ni.