​Assam-in Arunachal Pradesh an hneh

14th February 2019, 10:02PM

National Football Championship for Santosh Trophy North East Zone Qualifying Round khelh mekah February 14, Nilaini khan AR Lammualah Group B Assam leh Arunachal Pradesh inkhelah Assam chuan 2-1 a hnehna changin point 3 an hlawh chhuak. Assam tan Bishnu Bordoloi leh Akrang Narzary chuan goal khat ve ve an khung a, Arunachal Pradesh tan Tarh Dolu chuan goal khat a khung ve bawk.

Arunachal Pradesh hian an match hmasa berah Manipur an hneh loh avangin an tan beisei a awm tawh lo. February ni 16, Inrinni chawhm dar 10:00-ah Assam leh Manipur an inhmachhawn ang a, hnehna chang zawk zawkin final round an lut ang. Mizoram hian February ni 15, Zirtawpni chawhnu dar 02:00-ah Meghalaya an hmachhawn leh ang a, hnehna chang zawk zawkin final round an lut ve bawk ang.

ASSAM First XI

02:00 PM Arunachal Pradesh 1-2 Assam

(Tarh Dolu 21') (Bishnu Bordoloi (53', Akrang Narzary 64')

Goal lut te hi first half leh second half-a lut an ni a, Assam chuan inkhel thunun zawk mahse Arunachal Pradesh hian goal an khung hmasa zawk a, minute 21-ah mual veilam sir atangin midfielder Tarh Dolu chuan Assam keeper Bishal Sahu banphak loh chiahah mawi takin an hmahruaina a khung.

Assam pawhin an siphurh sutna hun tha nei nghal mahse box chhung chiah a tang a defender Dipen Moran shot tha zet chu Arunachal keeper Doging Yubey chuan a dan sak hnuah forward Akrang Narazry leh Bishnu Bordoloi chuan an hun tha an hmang tangkai thei lo. Goal dang luh belh lo in Arunachal Pradesh chuan 1-0 a hmahruaiin chawlhlawk an hmang.

ARUNACHAL PRADESH FIRST XI

Second half tan a ni a, Assam chuan nawr nghalin an hun tha neih an hmang tangkai zui a, minute 53-ah mual veilam sir atangin forward Bishnu Bordoloi chuan mawi takin an siphurh sutna a khung.

Assam an phur thar hnehna chan ngei tumin an nawr chhunzawm a, minute 64-ah an hun tha neih hmangtangkai zuiin mual veilam sir a tang a, midfielder Sirandeep Moran ball vawrh luh tha zet chu box chhunga awm forward Akrang Narzary chuan mawi taka tauh lutin an goal hnihna a khung.

Hun tawp dawnah Arunachal Pradesh pawhin an siphurh sutna hun tha neiin forward Vivek Gurung shot tha zet chu goal sirah chiah a kal a, goal dang luh belh tawh lo in Assam chuan 2-1 in hnehna an chang zui ta a ni.

February ni 15, Zirtawpni Fixtures

02:00 PM Mizoram vs Meghalay (G-A)

February ni 16, Inrinni Fixtures 

02:00 PM Assam vs Manipur

(adsbygoogle = window.adsbygoogle || []).push({});

Copyright © inkhel.com 2024. All rights reserved.