Buudh International Circuit, Noida-a Gixxer Cup 2018 round hnuhnung ber November ni 17, Inrinnia tlanah Anthony Lalawmpuia, Mission Vengthlang chu pahnihna a ni a, race one-ah hian Malsawmdawngliana, Kanan Veng vanduaiin a tlu hlauh mai a, 14-naah a thlen phah.

November ni 18, Pathianni khan Asia Cup of Road Racing (A.C.R.R) tlanchhunzawm a ni a, hetah hian Gixxer Cup-a tlan zawng zawng leh ACRR rider-te an vaia intlansiakin chiang kuang takin Malsawmdawngliana (Lalmama) pakhatna a ni ve leh thung. Hei mai hi ni lovin championship (Gixxer Cup-ah) Malsawmdawngliana hi pakhatna a ni a, Anthony Lalawmpuia 4-na a ni ve bawk.

Malsawmdawngliana'n Buudh International Circuit-ah sulhnu ropui tak a hnutchhiah a, Gixxer Cup-a a champion avangin Gixxer Naked Bike a dawng bawk ang.