Arsene Wenger chuan Real Madrid atang tawha a um tawh Argentine striker Gonzalo Higuain chu Napoli atangin £42.7m laiin a lei dawn niin Metro chuan a tarlang.

Rafael Benitez chhuah hnuah Higuain hi chhuak chhunzawm ve nghal tura rin a ni a, Sportmediaset sawi danin Napoli hian an club-a rilru bet tawh lo Higuain hi hralh chhuah mai an inpeih reng. Napoli hian Higuain manah £66.9m lai chhiar mahse Arsenal chuan £42.7m in Higuain hi an dawr a ni.

Copa America final-a a chet dan en chuan Higuain hi Arsenal fans te chuan a to an ti deuh maithei. Pathianni zinga Copa America Final-ah Argentina leh Chile te chu hun pangai leh extra time thlengin 0-0 in an inhnehtawk a, penalty shootout-ah 4-1 in Chile chuan hnehna changin an champion ta a ni.

Kha match-ah khan Higuain chuan chak theihna khawpa chance tha vawi hnih a thelh bakah penalty an pet naah a maka maka sangin a pet over a, Argentina champion loh chhanah mi tam tak chuan an mawhpuh nghe nghe a ni. Hetih lai hian a class erawh Wenger chuan a hmuh hmaih hauh lova, Emirates Stadium lama suan a tum dawn niin sapram chanchinbu te chuan an tarlang.

Photo Credit : Getty Images