Arsenal chuan Celtic left-back Kieran Tierney chu an dawr niin Sky Sports chuan a tarlanga, Arsenal-in an dawrna hi Celtic chuan an hnawl thu tarlan tel a ni bawk.

Arsenal hian Scottish left-back Tierney hi pound maktaduai 15-in dawr mahse Celtic lam hian an lo hnawl tih Sky Sports hian a tarlanga, Gunners hian tha thara an dawr leh ngei rinawm.

Sky Sports hian Arsenal bakah Italian club Napoli pawhin kum 22 mi Tierney pawh hi an duh thu a tarlanga, mahse Napoli hian an dawr tawh leh dawr tawh loh thu tarlan tel a ni lo.

A dam that chuan Tierney hi Celtic player pawimawh a ni a, mahse tunah hian hliamin a tlakbuak mek avangin a inhliama, tun season hman zawh tak chiahah pawh khan hliam avangina  khel tam lova, vawi 21 bak a inlan thei lo.

Scotland tana vawi 12 khel tawh Tierney hian Celtic-ah contract a la nei rei angreng hle a, kum 2023 thleng tuna a contract hian a daih.

Tierney hi Celtic academy chhuak a ni a, a career-ah Celtic tan bak a la khel lo. Kum 2005 atang khan Celtic academy-ah awmin, kum 2015 khan Celtic first team lamah lak chhoh a ni a, Celtic tan hian league game 100 chuang a khel tawh a ni.