Arsenal chungchang hi chu ka Agent kutah ka dah- Grzegorz Krychowiak

15th January 2016, 02:01AM

January 26-a kum 26 tling tur Polish Defensive Midfielder Grzegorz Krychowiak hi Arsenal champion-na tur thuruk a ni thei mai ang em? Sevilla midfielder hi Arsenal nena sawi zawm mek a ni. Tun hnaia player lei nana sum ui lo thar Arsene-a hian Krychowiak release clause £30 million hi a theh chhuak phal a nih chuan Arsenal next season sawi sek hi tun season a ni thei tlat a ni.

Four Four Two Magazine-in an kawmnaah Krychowiak chuan," Arsenal nena sawi zawm ka ni tih chu ka hria alawm. Nimahsela hetiang lam hi chu ka Agent thawh turah ka dah a ni. Kei chuan hetiang lam hi ka ngaihtuah tur a ni lo, ka tih tur chu Sevilla tana theihtawp chhuah hi a ni" tiin a tawng fimkhur thiam hle.

Kum 2014-a French Club Reims atanga €4.5m-a Sevilla zawmtu hi an hralh a nih chuan Sevilla hi an hlawk hle ang. Krychowiak hian Sevilla a zawm hnua hma a sawn nasat thu leh Real Madrid leh Barcelona-te ang club hmachhawn chuan pass sual neih a pawi theih zia pawh a sawi lang nghal bawk. Polish Krychowiak hi season hmasa a Sevilla-in Europa League-an chawi theihna atan a thawk hlawk hle a, La Liga Team of the Season-ah hemi season vek hian thlan a ni bawk. Inkhelh mai bakah inchei thiam tak a ni ngei ang Polish Playboy Magazine chuan Polish mipa inchei thiam berah nikum khan an thlang a ni.

Copyright © inkhel.com 2024. All rights reserved.