Tun weekend Premier League top 3 zingah, Arsenal leh Man City te an chak laiin, Liverpool erawh an chak zo ve lo a, Old Trafford-ah Manchester United nen 2-2 in an inhnehtawk.
Inrinni zan khan Manchester City chuan 4-2 in Crystal Palace an hneh a, Kevin de Bruyne chuan goal hnih a khung a, Lewis leh Haaland ten goal khat ve ve an khung bawk.
Arsenal pawhin si thum faiin Brighton an hneh, Saka, Havertz leh Trossard ten goal an khung. Arsenal chu Premier League hmahruaitu an ni a, hma an hruai chhunzawm zel dawn nge dawn lo a hrit loh laiin, Pathianni zan khan United leh Liverpool te an inhnehtawk a, Arsenal chu Premier League hmahruaitu an ni ve leh ta.
Tun season Premier League chu a tawp dawn thleng pawhin champion tur a la hriat theih loh. Khelh 31 atangin Arsenal leh Liverpool te chuan point 71 ve ve an hlawhchhuak a, goal difference-ah Arsenal an chungnun zawk avangin League hmahruaitu an ni. Man City chuan point 70 an nei ve bawk a, hmahruaitu Arsenal hi point 1 chiahin an phak lo.
Old Trafford-a result chuan Manchester City leh Arsenal te a tilawm khawp ang le. Liverpool hian point an hlawhchhuak lo tep nghe nghe a, hun tawp dawna Salah penalty avangin point 1 an hlawhchhuak hlauh.
Old Trafford-ah United-in bul tan tha mah se, first half-a khel tha zawk chu Liverpool an ni a, corner ball chu Nunez chuan tauhin, hei hi hnai tak atangin Diaz chuan a hlap goal. First half-ah Liverpool-in goal dang khungna hun tha tak tak nei mah se, an hmang tangkai lo.
First half-ah Liverpool-in shot vawi 15 lai an nei, United erawhin goal shot vawi khat pawh an nei lo. Second half tan a ni a, Jarell Quansah-a ball pass sual chu Bruno Fernandes chuan changin goal-ah a chhuih nghal a, a goal mawi hle. Minute 50-ah United chuan an siphurh an rul.
Minute 67-ah Mainoo chuan mawi lutukin top corner-ah a chhuih goal bawk, 2-1 in United chuan hma an hruai a, Liverpool lamin nawr viau mah se goal an khung hleithei bik lo.
Hun tawp dawn minute 6 vel a la awmin Bissaka a mawl thut, goal chance hlauhawm pawh ni loah Harvey Elliott a tlawh thlu, referee-in penalty a ham a, he penalty hi Mohamed Salah chuan goal-ah a chantir, team hnih te 2-2 in an inhnehtawk ta a ni.
Premier League game 7 chiah khelh tur a awm ta, hetianga top 3 team te fal bik an awm hleihtheih loh zel chuan, goal difference hi champion leh champion loh hriltu a ni thei dawn tlat mai.
Team thum te khelh hmabak hetiang hian :
MAN CITY REMAINING GAMES
H - Luton (Sat 13 March)
A - Tottenham (TBC)
A - Brighton (Thur 25 April)
A - Nottingham Forest (Sun 28 April)
H - Wolves (Sat 4 May)
A - Fulham (Sat 11 May)
H - West Ham (Sun 19 May)
LIVERPOOL REMAINING GAMES
H - Crystal Palace (Sun 14 April)
A - Fulham (Sun 21 April)
A - Everton (Wed 24 April)
A - West Ham (Sat 27 April)
H - Tottenham (Sat 4 May)
A - Aston Villa (Sat 11 May)
H - Wolves (Sun 19 May)
ARSENAL REMAINING GAMES
H - Aston Villa (Sun 14 April)
A - Wolves (Sat 20 April)
H - Chelsea (Tue 23 April)
A - Tottenham (Sun 28 April)
H - Bournemouth (Sat 4 May)
A - Man United (Sat 11 May)
H - Everton (Sun 19 May)