26 May 2015 12:29

digimalt

​Argentine player boral leh ta !

Nimina Argentina's second-tier Primera B match Atletico Parana leh Boca Unidos te inkhelh laiin Atletico Parana defender Cristian Gomez chu mual chhungah a tlu a, darkar chanve nikhaw hrelova a awm hnuah a boral zui ta a ni.

Kum 27 mi Argentine defender Cristian Gomez hi theih tawpin an buaipui nghal a, mahse hospital an panpui laiin a boral ta a ni tih Boca Unodos doctor Miguel Darre chuan a sawi.

May ni 14, 2015 khan field sir bang a tauh vangin Emanuel Ortega a lo boral tawh bawk a. Khami avang khan league an chawl lawk a, an inkhelh hmasak leh berah hetiang chhiatna hi a thleng zui leh ta a ni.San Martin de Burzaco defender Ortega, kum 21 mi kha chuan field sir bang a lua a tauh hnuah damdawi in an thlenpui hman a, mahse an chhan hman ta lo a nih kha.

Gomez hi lung lam that lohna vang a nih rin a ni, hetih lai hian team doctor chuan hetiang lama harsatna a tawh ngai a hriat loh thu a sawi bawk. Gomez a tluk hian a player puite chuan fans hnenah tawngtai turin tap chungin an ngen a, mahse Gomez chu chhan hman a ni ta lo a ni.