Redondo, Cambiasso leh Di Maria te Real Madird atanga chhuahtir an nih chungchangah club president Florentino Perez chu Argentine ngaihtheih loh avanga chhuahtir taa puh a ni.

Gonzalo Higuain-a Pa chuan 2013 a a fapa in Real Madrid a chhuahsan chhan chu Perez a'n Argentine mi a ngaihtheih loh vang niin a sawi.

Kum ruk zet Napoli striker Higuain hian Real Madrid ah 2007-13 inkar khan a hun a hmanga, 2013 khan €40m in a chhuahsan ta a nih kha.

Thla 12 a liam leh meuh hnu nikum khan Argentine mi bawk Angel Di Maria chuan United panin Madrid a chhuahsan ve leh bawk. Di Maria hian Madrid tana a season hnuhnung ber kha a hmang tha hle a, Champions League final ah UEFA man of the match te hial niin an champion theihna kawnga player pawimawh ber pakhat a ni.

Khati chung pawh khan Madrid atanga chhuahtir a ni a, Journal Z ah Higuain-a Pa chuan Redondo, Esteban Cambiasso, Santiago Solari, Fernando Gago, Higuain leh Di Maria te chu Argentine an nih avanga Madrid chhuahsan taa a ngaih thu a sawi.

(adsbygoogle = window.adsbygoogle || []).push({});