12 Jun 2019 05:42

inkhel

Arema Aizawl FC-ah Contract thar

Aizawl Football Club chuan season thar atan player inlak belh zelin Under 18 Team atangin Arunachal Pradesh lam mi Techi Tatra chu senior team-ah sawn chhoh a ni a, senior team goalkeeper nilai H. Lalremruata chuan The People's Club a cham chhunzawm turin contract thar a ziak bawk.

Heti hian Aizawl FC chuan player 9 lai Academy atang senior team ah an sawn chho tawh a, foreigner pahnih - Alfred Kemah Jaryan leh Juuko Richard Kassaga te chelhin, senior players experience nei tha Lalrinfela leh Goalkeeper Arema te'n contract an ziah belh tawh bawk .

Aizawl FC ah hian players contract nei lai engemawzat an la awm bawka, hemi belh tur leh squad thuam tha turin players lakluh belh zel pawh an la tum a ni.