Aragon GP tlan zawh takah Spanish rider Marc Marquez a chungnung hle a, tuma tihbuai lovin pakhatna a ni a, a vawi nga nan Aragon-ah a chak leha, Aragon-ah hian Marquez aia chak hnem hi an awm lo.

Moto GP world champion lai Respol Honda rider Marquez hi an ram GP-ah hian a chungnung tluana, a tir atanga pakhata niin tumahin an lehpel chhin lova, awlsam taka chakin, a champion teuh tawh hle.

Marquez hian ti hian point 98 laiin hma a hruai tawha, race awm leh tur Thailand GP-ah Andrea Dovizioso aia point hniha a tam zawk chuan a champion tawh dawn.

A tir lamah Maverick Vinales chuan Marquez hi a uma pahnihna a ni renga, Fabio Qaurtararo leh Jack Miller-te lehpel nhghal mahse a tawp lamah a che tha lova, palinaah a awm ta daih thung.

Aragon GP-ah hian pahnihnaah Ducati rider Dovizioso a awm a, pathumnaah Ducati rider bawk Miller awmin, sawilan tawh angin palinaah Yamaha rider Vinales a awm. Yamaha rider dang Quartararo chu pangnaah awmin, Honda rider Cal Crutchlow chu paruknaah a awm bawk. Pasarihnaah Aprillia rider Aleix Espargaro a awma, pariatnaah Yamaha veteran rider Valentino Rossi a awm thung.

A tir teah Alex Rins chuan kawng kualah Yamaha rider Franco Morbidelli a tai a, an pahnih hian talbuai ve ve mahse Rins erawh a tlan leh nghala, Morbidelli erawh a tlu chiang hle thung. Rins hi Morbidelli a tai thluk avang hian Long Lap penalty pek a ni a, a hnuah a team-mate Joan Mir a tai leh bawka, sawi zui a hlawh hle. Rins hian race a zawh hnuah Morbidelli hi ngaihdan a dil nghe nghe.

Bul tan chhe hle mahse Rins hi pakuanaaha awm hram a, sawmnaah Honda lam Takaaki Nakagami awmin, a hnungah Andrea Iannone, Danilo Petrucci leh Miguel Oliveira-te an awm bawk a ni.