Pakistan thisen kai Britain Boxer Amir Khan chuan Pakistan Taliban ten Peshawar army school an beih vanga school naupang bakah zirtirtu mi 141 te thih phahna school chu sak that leh/ din thar leh a nihna turin kekawrbul pair Britist pound sing thum £30,000 man zet a donate dawn.

Pakistan a piang kum 28 mi Briton Amir Khan hian Devon Alexander a ahneh hnuah kekawrbul hain rangkachak 24 carat a siam Waistband nen inthuam chungin a pianna Pakistan-a Peshawar army school-a kal naupang pawisawi lo Taliban ten an that chu thinlung taka a tawrh thu sawiin, “Naupang pawisawilo te thah aan nih chanchin hmuh leh hriat chu a hrehawm khawp mai. Chuvangin Peshawar Army school dinthar leh nan kekawrbul tam tham tak bakah School area-a venhimna tihchakna hmanrua atan thil pek hi hlan duh mai ka ni.’ tiin a sawi .

Amir Khan hian kumin may thla khan fanu Lamysa nein pa dinhmun dik tak leh mawhphurhna a luah tawh avangin naupang pawisawi lote thah an han ni hi a tuar phah hle a, hei vang hian England-a a dinhmun mek chu BBC Radio 5 ah sawilang nghalin, “England-ah chuan kan vannei takzet a ni. venhimna tha tak hnuaia awm chungin ka fanu hi School-ah kan kal tir thei dawn a, a dinhmun pawh a ngaihtuahawam dawn loh a, mahse hetiang hi Pakistan ah chuan thil theih a ni lo. pakistan-ah chuan mahni in chhuahsanin pawn lamah school an kal a, engtiangin nge an rawn kir leh dawn tih hi tuman an hre ngai lo. hetiang chancin han hriat hi a lungchhiat thlak takzet a ni” a ti a ni.

Hun hmasa lama tarlan tawh angin, Amir khan hian kar kalta Inrinni a a title kawl lai WBC Silver welterweight title chu a venhim hnu ah, khawvela boxer tha leh hlauhawm ber pawla chhal ngam Floyd Mayweather chu hmachhawn a tum thu a sawi lan tawh hnu chu mayweather chuan Amir Khan aiah Manny Pacquiao chu hmachhawn a thlan zawk thuin a lo chhnag tawh a, mahse amir khan hian hemi chhanna hi pe let tawhin, Mayweather hmachhawn hunah chuan zahngaihna leh ngaihhnathiamna tel map lova tih a tum thu a sawi tawh a ni.