Mayweather-a'n Pacman a hneh hnu lawkah kumin September thlaa inhnek hmachhawn leh tura a inbuatsaih thu a sawi. Mayweather-a'n September thlaa hnek a tum hi Britain boxer Amir Khan a ni ring an tam hle.

Mayweather leh Amir Khan te hi an inhnek ngei dawn niin a lang ta. Ningani khan Britain boxer Amir Khan chuan Ramadan awm mahse hei hian Mayweather nena an inhnekna tur a dal loh tur thu a sawi chhuak.

Kum 28 mi Amri Khan hi Muslim niin, June thla laihawl atanga July thla laihawl thleng hian ni thianghlim an hmang dawn. Tun thla tawpa inhnek nei tur Amir Khan hian Ramadan chu kum dang aia kumina neih hma hret a nih dawn avangin September thla inhnek turin a fit hman a ring a, chuvang chuan Mayweather chu a cho thu a sawi chiang ta a ni.

May ni 29 hian Amir Khan hian Pacman-a knock Out tawh Chris Algieri a hmachhawn dawn a. Amir Khan chuan,"Algieri hmachhawn hi ka lalap dawn lo. Ka chak lo a nih ngat chuan khawvela boxer tha ber ber hmachhawn ka tumna kalkawng a tawp dawn tihna a ni si a.

"He fight hi ka hmachhawn hmain Mayweather ka hnek pui dawn lo. Chris lakah hian ka theih tawp ka chhuah dawn, ka lo inhnek tawhnaah tihsual ka nei tawh, tun tum chu inhnek ropui zawk hmachhawn turin ka chak hmasak phawt a ngai a ni," tiin a sawi.