01 Apr 2016 07:30

Inkhel

Mizo Sports Website hmasa ber

​Alonso intlansiak phalsak a ni lo

Australian GP-ah 180mph laia chaka a tlan hnuah a chesual a. Hliam na tak a tuar dawn emaw tih laiin vanneihthlak takin a him pial. Mahse McLaren driver kum 34 mi Fernando Alonso chu doctor-ten tun kar tawp intlansiakah tel ve an phalsak hrih ta lo a ni.

Alonso chuan a awmah hliam a tuar niin doctor te chuan an sawi a. Hei vang hian Bahrain GP-ah a tlan ve an phalsak ta lo. A aiah McLaren chuan reserve driver Stoffel Vandoorne an chhawr dawn a, ani hian Bahrain-ah a F1 debut a tlan dawn a ni.

Alonso-a hliam hi uluk takin an endik a, a awm ruh a auh a, hei hian a chuap thlenga a nghawng theih dawn avangin doctor-te chuan Bahran GP-ah tlan an phalsak ve ta lo a ni.

Tun dinhmunah chuan 100% in a fit lova, kar hnih hnuah China-ah a tlan leh theih a rinawm, hetih lai hian test erawh a paltlang leh phawt a ngai dawn a ni.