07 Jul 2020 10:25

bakteaJr.

Mizo tlangval

​Alonso a rawn kir dawn

Formula One world champion vawi hnih lo ni tawh Fernando Alonso chu retire tawh mahse a lo kir leh dawn niin a lang.

Kum 38 mi Alonso hi kum 2021-ah hian Renault chuan an driver McLaren pan tur Daniel Ricciardo thlak tu atan, an lalut dawn niin chanchinbu mite chuan an tarlang.

SunSport tarlan danin Renault hian nakkum atana Alonso an lak luh tur thu hi naktuk (Nilaini) lam chuan official-a puan a nih thut theih thu a tarlanga, Renault leh Alonso te hi kum hnih atan pound maktaduai 30-in an inrem niin tarlan a ni.

Kum 2018-a McLaren a chhuahsan hnuah Alonso hi F1 lamah a hmel kan hmu leh tawh lova, IndyCar leh World Endurance Championship lamah a inhnamhnawih thung.

Spaniard driver Alonso hian Minardi-ah a F1 career bul a tana, kum 2003 leh kum 2009 chhung kha Renault-ah awmin, hetah hian world title pahnih kum 2005 leh kum 2006-ah te a la.

Kum 2010 khan Ferrari a zawma, Ferrari-ah hian kum nga awmin, kum nga chhung hian vawi thum ngawt pahnihnaah a awm bawk.

Alonso hi F1 driver awm tawh zawng zawnga driver tha ber pakhat anga ngaih a ni a, a team insawnna leh a insawn hun a fuh tawk loh avanga world title pahnih chauh la niin F1 expert tam tak chuan an ngai a ni.