All India Inter Regional SAI Hockey Tournament, 25th – 30th Sepetmber 2015, Bhubaneswar a zawh takah NE Region aiawh a kal Mizoram Sub-Junior team te chu an Champion a, Junior Team ten semi final an paltlang lo thung.
North East Region aiawh tur hian SAI Extension Centre Women Hockey Academy, Thenzawlah NE Region Selection neih a ni a. Sub-Junior-ah mizo naupang 11 leh Junior–ah 10 thlan an ni a. Sports & Youth Services Deptt.Coach Lalrothuami(Btei) bakah SAI Coach Jagan Popna leh Sukuntala ten an hruai a ni.
Sub-Junior Team te hian Semi final ah Hisar Region, Sonapat chu 5-1 a hnehin final an lut a. Finalah hian South Region nen intumin Mizo player an che tha hle a. Lalawmpuiin Hattric siamin Goal 3 a thun bakah, Lalvenhimi, Marina Lalramngahaki, Lalremsiami leh Lalrindiki ten Goal 1 theuh an thun bawk a. 7–0 a hnehin an Champion zui ta a ni.
SAI Extention Centre Women Hockey Academy, Thenzawl hi Sports & Youth Services Deptt. enkawl lai a ni.
North East Region aiawha Champion players:-
1. Ramsangliani,
2. Lalremsiami,
3. Merabi Lalruatfeli,
4. Agnes Malsawmkimi,
5. Lalchhanhimi,
6. Marina Lalramnghaki,
7. Lalthangpuii,
8. Lalrindiki
9. Lalawmpuii
10. Lalrambeiseii
11. Lalvenhimi
Coach te:-
1. Lalrothuami(B-tei), SYS Coach
2. Jagan Popna, SAI Coach
3. Sakuntala, SAI Coach
Tin, Hemi ruala khel North East Region aiawh ve bawk Junior Team te chuan Pool match ah Lucknow 7-1, North Zone 9-1, South Zone 5-2 a an hneh hnuah Hisar Region lakah 1-2 in a chak in Semi final an lut a. Semi final ah hian East Zone nen intumin hun pangngaiah 2-2 a an inhneh tawk hnuah penalty shootout hmangin chak zawk an zawng leh a. Mizo player te hian 6-5 in an hneh ta lo a ni