November ni 15-19 chhung khan 3rd All India Police Meet Judo Cluster, Odhisa-ah neih a ni a, Taekwondo inelna huangah Mizo player ten Silver 1 leh Bronze 2 an la.

Medal la tute hi Zainunsiami, Ramhlun Venglai tunah CRPF a awm laiin Under 49kg-ah Silver lain Ramtharnghaki, Samthang Assam Rifle chuan Under 49kg-ah bronze medal a la bawk. Tin, Lalhlimpuia, Lunglei, Luangmual BSF Central Team a mi chuan Under 48kg-ah Bronze Medal a la bawk.

Mizoram Police te hian inthlan dawn a nih avangin team an tir lo. Judo Cluster-ah hian game 4, Judo, Taekwondo, Wushu leh Gymnastics te inkawpin, an vaiin Central leh state Police 34 atangin player 1100 chuang an tel a ni

(adsbygoogle = window.adsbygoogle || []).push({});